saweya:

saweya.tumblr.com

ساعات أقوم الصبح قلبى حزين
أطل بره الباب ياخدنى الحنين
اللى لقيته ضاع
واللى اشتريته انباع
واللى قابلته راح وفات الأنين

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين

حبيبى سكر مر طعم الهوى
فرق ما بيننا البين ماعدناش سوا
حرام عليك يا عذاب
نبقى كده اغراب
ده البعد والله جرح من غير دوا

آدى اللى كان وآدى القدر وآدى المصير
نودع الماضى و حلمه الكبير
نودع الأفراح نودع الأشباح 
راح اللى راح ماعدش فاضل كتير

ايه العمل فى الوقت ده يا صديق
غير اننا عندافتراق الطريق
نبص قدامناعلى شمس أحلامنا
نلقاها بتشق السحاب الغميق

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ 
مع ان مش كل البشر فرحانين
—

صلاح جاهين

هدايا كثيرة أستقبلها من السماء .. أنا أخجل من الله , كثيراً : )
ربّ أوزعني أن اشكُـر نعمتك الّتي انعمتَ عليّ .

عمرو قطامش شعر حلمنتيشي تحفة